هكذا رسم هاشم فياض مشهد العودة إلى بلدته أنصار الجنوبية
كتب هاشم فياض ابن بلدة أنصار الجنوبية على صفحته عبر الفايسبوك:
“مستعجلين نرجع على انصار ونرجع لبيوتنا وعلى اشغالنا ولحياتنا الطبيعية .. والحزن المؤجّل رح يبلش من مداخل الضيعة.. ل جايه من ميلة أبو الأسود رح يمرق بحي المرج ورح يشوف البيت المهدّم ويقول هون كان البطلين أمير والسلمان ..
وانت وجايه من صوب النبطية رح توصل على طريق المطار وتلاقي أثر البطلين حسين عطوي وداغر موجودة ..
و كفي صوب الضيعة نزول وتمرق من حد الحوزة و تحس بغصة وتتخايل القائد أيمن الصعبي واقف عالمفرق والسيد مكي قدامو بشوي عم يضحك ضحكتو الحلوة ..
وطلعني عالضيعة عالأحياء المعروفة بألفتها وسلّم على يوسف ويقلك حبيبي يا غالي وعم يعانق الحاج قاسم الطاهر ..
تروح صوب طريق مريصع ؟؟
لا بلاها قلبي ما بيحمل مآسي بعد اكتر ..
بس تشوف اسم حيفا بتعرف شو عمل المهندس حسين والأسد مهدي والمقدام الجريح عباس و للحكاية تتمة …
و المكان الأغلى والأقدس رح يكون بالزياتة الفوقا .. حيث الأجساد الطاهرة.”