لارا سليمان نون تكتب: “قمر بنت جبيل”… وجع وطن ينام على الموت ويصحو على الطائفية
كتبت الإعلامية لارا سليمان نون كلمات مؤثرة بعنوان: قومي بالسلامة يا قمر “بنت جبيل”… وجاء فيها:
تابع ZNN على تيليغرام
احصل على آخر الأخبار فور حدوثها.
“قومي بالسلامة يا قمر “بنت جبيل”… قومي، بس لما تفيقي، رح تلاقي إخواتك وبيّك ناموا…
ناموا لأنّ الضو ما عاد يعرف يطلع على هالبلد…
ناموا لأنّ بالنهار صارت الإنسانية تتصنّف بحسب الطائفة…
ناموا لأنّ ما عاد صاح الديك، وما بقي غير دجاجات بهالقن…
ناموا لأنّ اجا موسم الزيتون وما حدا مسترجي يقطفن…
ناموا لأنّ بعد في ناس بتبرر الإبادات وبتعطيها أسباب تخفيفية…
ناموا لأنّ الموت تحوّل لسردية مارونية وسنية وشيعية ودرزية… أبطالها مسرحية يهودية…
ناموا إخواتك ونام بيّك يا قمر “بنت جبيل”… بلكي نحنا منفيق… ومنقول “خلص”… خلص موت معنوي وطائفي وسياسي… خلص موت بهالوطن…
قومي بالسلامة يا حلوة… هالبلد ما عاد فيه “حلوين”.”