كتب عماد روكز : منسق القوات اللبنانية في صيدا الزهراني
الطفل الشهيد علي جابر…
علي
لأول مرة ما بدي إحكي سياسة، لأنو لأول مرة بحس انو كل الكلام السياسي زغير حدك…
لأول مرة ما بدي إحكي سياسة، لأنك أطهر وأنظف من كل السياسة…
لأول مرة ما بدي إحكي سياسة، لأنو السياسة لغة أهل الارض وانت ابن ملائكة السما…
لأول مرة ما بدي احكي سياسة، لأنو اي كلام بالسياسة بيقتلك مرة تانية وتالتة…
ونحنا ما قدرنا شفناك الا بهيك صورة وعيون وضحكة وحلا ما بيشبه حدا.
علي
يمكن يكون الله رحم بيك واستشهد معك وحدك لأنو أكيد لو عاش بلاك كان رح يموت الف مرة من وجع غيابك…
وامك يلي حملت شقفة من قلبها بين ايدين عم ترجف ودموع عم تحرق قلب ام خسرت ملاك ع ارض مجنوني…
علي
انت شهيد الطفولة… انت شهيد كل لبنان وملك جمال الطفولة.
تابع ZNN على تيليغرام
احصل على آخر الأخبار فور حدوثها.