ما قصة دكانة “الحجعلي” في بليدا والبيت الذي دمرته الطائرات الإسرائيلية
صباح حزين يا بليدا….
ادي اتهدم بيوت من بداية الحرب لليوم بس ما بكي قلبي اد مبارح ..
تابع ZNN على تيليغرام
احصل على آخر الأخبار فور حدوثها.
حسيت صحيح ما راح ضحايا بس هاي الضربة قتلت كل الارواح لبضيعتي على مر التاريخ منذ مئات السنين..
هيدا البيت مش عادي، هيدا البيت بيت كل واحد بالضيعة والدكانة لفي فيها روح اجداد اجدادنا.. هيدا البيت بس نوصل عالساحة ونطلع عالدكانة نقول وصلنا عالضيعة لو ما نوصل عبيتنا بعد
هيدا البيت حرفياً هوي كل الضيعة اذا مضيع بيت حدا او شخص او حدا بس وقف وسآل عند خالي الحجعلي…يلي توفى وبقيت الدكانة اسمها عاسمه…
شو قصة خالي الحجعلي..
كبرنا وكل الضيعة صغيرها وكبيرها بيقولو دكانة الحجعلي
وكل ما يسألوني شو اسمو خالك(خي لستي) قولن او نقول حجعلي مع شدة عال (ج)ما كنت عارفي اسمو الحاج علي…ولان ربينا هيك منقولها كبرنا وعرفنا وبعدنا هيك منقولا…
اليوم مش بس الاحياء بكيوا صدقوني اليوم كل روح بالقبر بكيت لان تاركة جوات هالبيت وهالدكانة اثر..حاسة بهدم هالبيت يلي هوي أجمل بيت بالساحة ،قتلوا اجدادنا ودفنوهن من جديد غيروا رائحة الساحة ورائحة الدكانة واخدوا رائحة ستي وجدي وستك وجدك وخالي وخالك ودفنوها من جديد تحت التراب…
أرضيت يا رب.. خذ حتى ترضى
المصدر : صفحة الفيسبوك – فاتن حسن